Nabrała praduktaŭ i pabiehła mima kasy: u Viciebsku studentka abrabavała kramu
Zdareńnie adbyłosia viečaram 26 lutaha ŭ kramie na vulicy Pietrusia Broŭki, paviedamlaje abłasnaja milicyja.
Pakupnica zajšła ŭ kramu kala 20.30. Pradaŭcy adrazu źviarnuli ŭvahu na dziŭnuju dziaŭčynu, jakaja zajšła ŭ handlovuju zału biez košyka, i stała brać z pryłaŭkaŭ śpirtnoje i pradukty. Prajšoŭšy ŭsiu zału, stała kala kasy, ale nie śpiašałasia raźličycca za tavar. Praź niejki čas prabiehła mima kasy, a na vychadzie z kramy adšturchnuła adnu z rabotnic.
Milicyjanty nieŭzabavie zatrymali dziaŭčynu. Heta była raniej nieadnarazova sudzimaja 23-hadovaja studentka. Zaviedziena kryminalnaja sprava.