Chłopiec vyjšaŭ na darohu pabicca ź siabram i trapiŭ pad mašynu
Najezd adbyŭsia na aŭtadarozie «Baranavičy-Hrodna» ŭ Słonimskim rajonie, paviedamlaje DAI.
«Aŭdzi» źbiła čałavieka, jaki vyjšaŭ z «Miersiedesa». Jon trapiŭ u reanimacyju. Da hetaha chłopcy adpačyvali ŭ vioscy Kaściani, vyklikali taksi i na im viartalisia ŭ Vaŭkavysk. U sałonie pamiž imi ŭźnikła bojka, jakaja praciahnułasia paśla taho, jak kiroŭca spyniŭsia. Kiroŭca «Aŭdzi» bačyŭ aŭtamabil sa śviatłom far i avaryjnaj sihnalizacyjaj, adnak najezdu nie paźbieh.