Kreml paśla zajavaŭ Łukašenki nahadaŭ pra svaju dapamohu Minsku
U Kramli ličać, što dla abmierkavańnia ŭzajemaadnosin pamiž Rasijaj i Biełaruśsiu patrebna inšaja tanalnaść, «jakaja lepš adpaviadaje sajuznym adnosinam».
Tak pres-sakratar prezidenta Rasii Dźmitryj Piaskoŭ prakamientavaŭ niadaŭniaje vykazvańnie prezidenta Alaksandra Łukašenki ab tym, što «nachabnaja» Rasija «vykručvaje ruki» Minsku, pieradaje RBK.
Adnak, pa słovach Piaskova, u Maskvie «z razumieńniem staviacca da emacyjnych replik u ramkach asablivych adnosin dźviuch krain».
Kreml taksama «nie moža pahadzicca» z Alaksandram Łukašenkam u tym, što Rasija ŭvodzić sankcyi suprać Biełarusi. «Nijakija sankcyi Rasija nie ŭvodzić», - padkreśliŭ Piaskoŭ.
Pavodle jaho słoŭ, u Maskvy i Minska jość temy, pa jakich krainy nie mohuć dasiahnuć «razumieńnia», heta temy ekanamičnyja, i tema kamiercyjnych pahadnieńniaŭ.