Pra heta kiraŭnik krainy zajaviŭ siońnia na naradzie z ekanamičnym błokam krainy, piša BiełTA.
Alaksandr Łukašenka pryvioŭ prykład, jak rabiŭ biełaruski bok hod ci paŭtara tamu, kali śpiecyjalisty dałažyli, što ŭ avaryjnym stanie znachodziacca naftapravod i naftapraduktapravod, jakija iduć praź Biełaruś.
«Mienavita pa nafcie. I nam treba było b na niekalki dzion zakryć dla ramontu hetyja naftapravody. Ale my ž nie zrabili tak. My razumieli, što heta naniasie škodu Rasii. I tady ja daručyŭ pracavać u avaryjnym paradku, ale nie pierakryvać hetyja darohi, pa jakich transpartujecca hałoŭny ekspartny pradukt Rasii — nafta», — raspavioŭ biełaruski kiraŭnik.
Pavodle jaho słoŭ, hetaje pytańnie staić i ciapier na paradku dnia. Alaksandr Łukašenka, źviartajučysia da vice-premjera Ihara Lašenki, skazaŭ:
«Kali treba pastavić na ramont naftapravody i naftapraduktapravody, jakija iduć praź Biełaruś, staŭcie i ramantujcie. Bo toje dabro, jakoje my robim dla Rasijskaj Fiederacyi, jano nam viartajecca pastajanna złom. Tam užo zrabilisia nachabnymi da takoj stupieni, što pačynajuć nam vykručvać ruki».
Ciapier čytajuć
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ33
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ3
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ99
Kamientary