Hruzinskaja apazicyja anansavała novyja akcyi pratestu. Prezident krainy znachodziłasia ŭ Minsku
Nočču siłavikam ŭdałosia adcisnuć mitynhoŭcaŭ ad budynka parłamienta. Dla razhonu natoŭpu vykarystoŭvali humovyja kuli, vadamioty i ślozaciečny haz, paciarpieli dziasiatki čałaviek.
Apazicyja Hruzii ŭ piatnicu praviadzie novuju akcyju pratestu na praśpiekcie Rustavieli ŭ Tbilisi, dzie znachodzicca parłamient krainy, zajaviŭ kiraŭnik partyi «Adziny nacyjanalny ruch» Hryhoł Vašadze.
«A 19.00 (18:00 pa Minsku) my źbirajemsia na praśpiekcie Rustavieli, dzie my pradstavim naš płan dziejańniaŭ hramadstvu», — skazaŭ Vašadze.
Apazicyja patrabuje adstaŭki śpikiera parłamienta Iraklija Kabachidze i zamieny mažarytarnaj vybarčaj sistemy na praparcyjnuju, dadaŭ lidar partyi «Jeŭrapiejskaja Hruzija» Hiha Bakieryja.
Cikava, što prezident krainy Sałome Zurabišvili ŭ čaćvier viečaram prylacieła ŭ Minsk na adkryćcio Jeŭrapiejskich hulniaŭ.