Dačka «baciuški sa svastykaj»: Ja starajusia zabyć raniejšaje žyćcio
Na śviatara-nacysta Kanstancina Burykina zaviali novuju kryminalnuju spravu — za hvałtoŭnyja seksualnyja dziejańni ŭ dačynieńni niepaŭnaletnich.
Na pačatku pracesu dzieci Kanstancina Burykina fatahrafavalisia ŭ jaho abaronu.
Kanstancin Burykin.
Paciarpiełaja — jaho 20-hadovaja dačka Alaksandra. «Naša Niva» paprasiła jaje prakamientavać situacyju.
«U mianie ciapier inšaja siamja, inšaje, svajo žyćcio. Ja starajusia zabyć raniejšaje žyćcio. A vynosić śmiećcie z toj siamji ja nie chaču, darujcie, chaj heta zastaniecca našym», — patłumačyła jana, ničoha nie ŭdakładniŭšy.
Nakont letašnich videaazvarotaŭ u padtrymku asudžanaha baćki Alaksandra adkazała koratka: «Ja rabiła toje, što mnie kazali».