Na «baciušku sa svastykaj» zaviali spravu za seksualny hvałt u dačynieńni da małoj dački
Šerah biełaruskich telehram-kanałaŭ pačali namiakać, što «baciuška sa svastykaj» Kanstancin Burykin moh mieć seksualnuju suviaź ź niepaŭnaletnimi.
Čytajcie Rasśledavańnie: jak «baciuška sa svastykaj» rasparadžaŭsia biudžetnymi miljardami
Napačatku maja pra heta paviedamiŭ kanał «Kulhavy djabał», napisaŭšy, što ŭ dačynieńni Burykina pravodzicca pravierka pa artykule 157 Kryminalnaha kodeksa — heta zaražeńnie VIČ. «Havorka pra kahości ź dziaciej», — udakładnili aŭtary.
A 25 červienia padobnuju infarmacyju ahučyŭ błohier NEXTA, napisaŭšy sa spasyłkaj na materyjały prakuratury, što Burykin ciaham niekalkich hod «ažyćciaŭlaŭ hvałtoŭnyja dziejańni seksualnaha charaktara ŭ dačynieńni niepaŭnaletniaj».
Asoba paciarpiełaha (ci paciarpiełaj) nie nazyvajecca.
U Śledčym kamitecie «Našaj Nivie» paćvierdzili infarmacyju ab isnavańni jašče adnoj spravy ŭ dačynieńni Burykina.
«USK pa Minsku rasśledujecca kryminalnaja sprava pa č. 3 art. 167 (hvałtoŭnyja dziejańni seksualnaha charaktara ŭ dačynieńni zaviedama małaletniaha) u dačynieńni Kanstancina Burykina», — skazała nam Julija Hančarova.
Infarmacyju pra mahčymaje zaražeńnie VIČ jana paćvierdzić nie moža: «chutčej za ŭsio, aŭtary pamylilisia i zamiest «167» napisali «157», — adreahavała jana na dopis u telehram-kanale.
Praź niekalki hadzin namieśnik hienprakurora Alaksiej Stuk na pres-kanfierencyi paviedamiŭ, što paciarpiełaja pa spravie Burykina, jakoha jašče nazyvali «baciuška sa svastykaj», — jaho starejšaja dačka, piša Tut.by
«Hetyja padziei byli z 2012 pa 2016 hod, a dačka 1999 hoda naradžeńnia», — patłumačyŭ jon.
Pa słovach namieśnika hienprakurora, dziaŭčyna ŭžo stała davać pakazańni. Žurnalisty adznačyli, što raniej dačka baraniła baćku.
«Jana bajałasia, jon dosyć despatyčny čałaviek», — adznačyŭ Stuk.
Čytajcie. Dačka «baciuški sa svastykaj»: Ja starajusia zabyć raniejšaje žyćcio
Takim čynam, u dadatak da termina za niezakonnaje zachoŭvańnie zbroi, Burykinu pahražaje pakarańnie za jašče dva kryminalnyja artykuły — rastrata i «seksualnyja dziejańni».
«Baciuška sa svastykaj» — hramadzianin Rasii. Paśla adbyćcia pakarańnia jon maje być departavany z krainy.
Čytajcie: «Baciušku sa svastykaj» vystavili novyja abvinavačvańni — jamu pahražaje jašče 7 hadoŭ źniavoleńnia
Čytajcie: «Naša Niva» zdabyła novyja šakujučyja FOTY «baciuški sa svastykaj»
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary