Tramp zajaviŭ, što ZŠA bolš nie buduć mieć spravu z brytanskim pasłom
Prezident ZŠA Donald Tramp zajaviŭ, što Vašynhton bolš nie budzie mieć spravu z brytanskim pasłom Kimam Derakam.
«My bolš nie budziem mieć ź im spravu», — napisaŭ jon u tvitary
Taksama Tramp raskrytykavaŭ premjer-ministra Vialikabrytanii Terezu Mej.
«Ja zaŭsiody byŭ vielmi krytyčna nastrojeny ŭ pytańni taho, jak premjer-ministr Tereza Mej pravodzić Brexit. Jaki biesparadak jana i jaje pradstaŭniki naviali. <…> Dobryja naviny dla cudoŭnaha Złučanaha Karaleŭstva — heta toje, što ŭ ich chutka budzie novy premjer-ministr», — adznačyŭ Tramp.
7 lipienia stała viadoma, što ambasadar Brytanii ŭ ZŠA Kim Derak ličyć amierykanskaha prezidenta Donalda Trampa niekampietentnym, ranimym i zdolnym haniebna skončyć svoj termin — pra heta havaryłasia ŭ kanfidencyjnych unutryministerskich listach, jakija jon pisaŭ.