U Iŭjeŭskim rajonie chłopiec kataŭsia na skradzienym hruzaviku pa školnym stadyjonie
U Iŭjeŭskim rajonie małady čałaviek skraŭ samazvał, kab pakatacca pa stadyjonie byłoj škoły, paviedamlaje milicyja.
Padazrajecca 20-hadovy małady čałaviek. U adzin ź viečaroŭ jon zajšoŭ na terytoryju byłoj škoły ŭ vioscy Moryna Iŭjeŭskaha rajona. Tam ža na noč svaju techniku pakidaje miascovy pradprymalnik.
Chłopiec zaŭvažyŭ, što dźviery hruzavoha MAZa nie začynienyja, a ŭ zamku zapalvańnia byŭ kluč. Zavieści ruchavik było nieskładana, i złamyśnik staŭ namotvać kruhi pa byłym školnym stadyjonie na hruzaviku. Nakataŭšysia, małady čałaviek kinuŭ hruzavik.
Na nastupny dzień uładalnik aŭtamabila ŭbačyŭ, što jaho technika za noč pierajechała ŭ inšaje miesca. Jon źviarnuŭsia ŭ milicyju. Zaviali kryminalnuju spravu pa artykule «Vykradańnie».