Budź jak jany! Top-10 pryhožych biełarusak, jakija viaduć svaje instahramy pa-biełarusku FOTY
Vializnuju kolkaść prahladaŭ i sotni vodhukaŭ sabraŭ materyjał «Našaj Nivy» pra dziaŭčynu, jakaja zapisała biełaruskamoŭny rep i viadzie svaje sacyjalnyja sietki vyklučna pa-biełarusku.
Čytajcie: Takoha vy jašče nie bačyli! Dziaŭčyna zapisała rep pa-biełarusku i płača ad ščaścia, što pryjšła da hetaha VIDEA + šmat FOTA
Vykazvalisia dumki, što kali ŭžo mužčyny za 25 hod niezaležnaści nie pryviali biełarusaŭ da movy, to hetamu dakładna daduć rady pryhožyja dziaŭčaty. Na ŭłasnym prykładzie.
Hladzicie, padpisvajciesia i budźcie jak jany!
Valeryja Suravickaja
Valeryja — minijaciurnaja maładaja śpiavačka, vielmi miłaja va ŭsim, što robić.
Zdajecca, pakul jana ŭ pošuku ŭłasnych chitoŭ, tamu ŭ instahram pakul zalivaje kaviery. Vielmi ŭdała pierapieła «Manietačku», viadoma, pa-biełarusku.
Lizavieta Šumiakova
Liza — studentka Biełaruskaha dziaržaŭnaha ekanamičnaha ŭniviersiteta z Mahilova. Vyhladaje, što fatahrafavacca — adzin z ulublonych jaje zaniatkaŭ.
Asabliva — na fonie mahiloŭskaj Ratušy.
Barbara Huzarevič
Nu, Barbara ŭžo amal zorka! Aŭdytoryja «Našaj Nivy» doŭha spračałasia, ci trapna nazyvać jaje «hłamurnaj kisaj», paśla taho jak jana vypuściła svoj pieršy sinhł «BOSS».
Sacsietki dziaŭčyna pryncypova viadzie pa-biełarusku. Pryčym piša tudy nie banalnaści, a doŭhija składanyja teksty sa svaimi dumkami i pieražyvańniami.
U dziaŭčyny dziesiać tysiač padpisantaŭ.
Aryna Karšunova
Dziaŭčyna stała viadzie svaje sietki pa-biełarusku.
Što jana tam raźmiaščaje? Fota z vandrovak, časam — ź pivam.
Zdajecca, što Aryna — ščaślivaja zakachanaja, tamu značnaja častka jaje fota — z chłopcam.
Złata Babič
Chacia proźvišča Złaty i supadaje z proźviščam sumnaviadomaha rasijskaha pasła, lubovi da Biełarusi ŭ jaje možna pavučycca.
Dziaŭčyna vučycca na bijołaha ŭ BDU i viadzie miły instahram.
Evielina Kulbaka
Vyhladaje, što Evielina jašče školnica, ale ŭžo zachaplajecca Drazdovičam. A taksama Hurkovym.
Vidać, najbolš šansaŭ — u tych, chto ŭmieje malavać i baksiravać.
Nasta Chryščanovič
Nasta sama piša, što nie moža vyznačycca, jaki varyjant imieni joj bolš padabajecca: Nasta, Naścia ci Nastaśsia.
Moža być, vam pašancuje, kali vy prajavicie aryhinalnaść i prapanujecie inšy varyjant.
Nasta žurnalistka i prynamsi da niadaŭniaha času pracavała ŭ Lidzie.
Natalla Rymašeŭskaja
Nie, heta nie svajačka palityka. Natalla fatahrafuje i pracuje z žyviołkami: jana prafiesijnaja vieterynarka.
Tamu prydumajcie sabie chacia b «sabačku ŭ mamy», kali nie viedajecie, z čaho pačać razmovu.
Vieranika Adamovič
Vieranika — studentka z Hłybokaha, jakaja vyjhraje amal va ŭsich konkursach pryhažości, u jakich udzielničaje.
A taksama jana aktyvistka BRSM.
Hanna Maksimienka
Jak možna mierkavać ź insty, Hanna vučycca na pierakładčycu i dakładna vałodaje niamieckaj movaj. Uličycie heta.
Ale biełaruskaj usio ž lepš — badaj usio jana ŭ instahramie piša pa-našamu.