Takoha vy jašče nie bačyli! Caca zapisała rep pa-biełarusku i płača ad ščaścia, što pryjšła da hetaha VIDEA + šmat FOTA
Siońnia internet razryvaje karocieńki klip Boss dahetul nieviadomaj vykanaŭcy ZRABI.
Ahułam tekst pra emansipacyju, bo «bos» u im — pra žančynu, što kpić z mužčyn, jakim «u 25 mama kaža «Dobraj nočy». Čym admietny klip? Tekst u im pa-biełarusku, a aŭtar — modnaja dziaŭčyna, jakaja maje 10 tysiač padpisantaŭ u instahramie i pościć fotki z samych hłamurnych kłubaŭ Minska.
Zvać dziaŭčynu Barbara (moža, i Varvara) Huzarevič, joj 23 hady, vyrasła ŭ Minsku.
Barbara pačała razmaŭlać pa-biełarusku hod tamu. Adzinaje, narakaje, što na pracy davodzicca pierachodzić na ruskuju, bo bolšaść klijentaŭ — rasijanie.
«Chočacca, kab usie biełarusy havaryli razam sa mnoj, — skazała jana «Našaj Nivie». — Ja chaču pakazać, što našaja mova nie zastałasia ŭ škole ci vioscy, jana — sučasnaja i my musim joj karystacca. Voś maja meta. Maje dzieci taksama buduć havaryć pa-biełarusku, ja chaču, kab jany adčuvali siabie biełarusami i žyli tut».
«Majo koła mianie padtrymlivaje, inačaj by jany i nie byli pobač. Aŭdytoryja ŭ maich sacyjalnych sietkach taksama dobra reahuje, ludziam heta treba. Mnie pišuć šmat paviedamleńniaŭ, bo ludzi čujuć biełaruskuju movu i im zdajecca, što ja im vielmi blizki čałaviek. Kažuć «dziakuj». Ja im taksama prapanuju zahavaryć — čamu nie? Nie ŭsie hatovyja pakul, treba stvarać cikavy kantent i pryvučvać, tady ŭsio budzie dobra», — reziumuje jana.
Kamientary