Urad Litvy: Pachavańnie pareštkaŭ Kalinoŭskaha maje prajści ŭ Vilni 22 listapada
Vyjaŭlenyja na hary Hiedymina pareštki paŭstancaŭ XIX st. buduć uračysta pachavanyja ŭ Vilni na mohiłkach Rosy 22 listapada, paćvierdziŭ urad Litvy ŭ čaćvier, paviedamlaje Delfi
Padčas uračystaj cyrymonii ich pareštki buduć dastaŭleny ŭ Vilenski Kafiedralny sabor, a zatym pieraviezieny na mohiłki Rosy.
Vice-kancler urada Dejvidas Matulonis skazaŭ BNS, što padrabiaznaje abmierkavańnie cyrymonii adbudziecca va ŭradzie 8 kastryčnika.
«Usia cyrymonija pačniecca na Kafiedralnym placy, u sabory my vyrašym, jak arhanizavać uračystuju pieravozku na Rosy, adbuducca cyrymonii na samich mohiłkach i ŭ kaplicy. Pareštki buduć źmieščany ŭ simvaličnyja, maleńkija damaviny i buduć transpartavacca», — skazaŭ Matulonis BNS.
Nahadajem, što častka biełaruskaj hramadskaści prosić pierapachavać pareštki Kastusia Kalinoŭskaha ŭ Biełarusi. Druhaja častka vystupiła za Vilniu