U mietro pamior pažyły mužčyna: jon sam paprasiŭ vyklikać chutkuju
Zdareńnie adbyłosia na stancyi mietro «Płošča Lenina». U pres-słužbie MUS Jeŭraradyjo paviedamili, što heta pažyły mužčyna prykładna 70 hod.
«Mužčynu stała błaha, jon pamior da prybyćcia chutkaj dapamohi», — paviedamiła pres-sakratar MUS Volha Čamadanava.
Pres-sakratar Minskaha mietrapalitena Andrej Drob udakładniŭ, što mužčyna sam paprasiŭ supracoŭnikaŭ mietrapalitena vyklikać jamu «chutkuju». Bryhada miedykaŭ prybyła na miesca, dzie pravodziła reanimacyjnyja mierapryjemstvy. Adnak vyratavać staroha čałavieka nie atrymałasia.