Paźniak: Devijanty razvalili PEN-Centr. Žužžać, chto lepšy piederast
Zianon Paźniak rezka raskrytykavaŭ piśmieńnickuju arhanizacyju za vyklučeńnie Paŭła Sieviarynca.
«Antybiełaruski režym Łukašenki nie zabaraniaje zbačencaŭ, ale vykarystoŭvaje ich dziela razvału nacyjanalnaj hramadzianskaj supolnaści, jakaja režymu niepatrebnaja», — napisaŭ Paźniak na sajcie «Biełaruskaja salidarnaść».
Paźniak ličyć homaseksualizm devijacyjaj.
«Na Zachadzie nievialikaja homaseksualnaja hrupa (jakaja adrazu zhurtavałasia pa ŭsim śviecie), jak praviła, imkniecca praniknuć u klučavyja pazycyi struktur i adtul upłyvać na pavodziny narmalnych ludziej, nie spyniajučysia (kali ŭźnikaje mahčymaść) pierad ciskam, prapahandaj, skandałami, paklopam dy psichičnym teroram. Tady struktura albo padaje, albo pieratvarajecca ŭ asiarodak devijanckaj dziejnaści pa dalejšym razvale hramadstva», — miarkuje Paźniak.
«Ilustracyjaj da hetaha słužyć niadaŭni skandał u biełaruskaj arhanizacyi PEN-Centra, — piša Paźniak. — Litaralna paru devijantaŭ, jakija tudy pranikli, razvalili ŭvieś tak zvany «centr». Vidać, upieršyniu adkryta zahučeła tam nianaviść da Chryścijanstva, da Boha i da ŭsiaho biełaruskaha, — miarkuje Paźniak. — Prademanstravana dakładnaja kopija, jak na Zachadzie ŭ lavackich zbačenskich asiarodkach».
«Kaliści Vasil Bykaŭ uručaje mnie paśviedčańnie siabra PEN-centra i čamuści kaža: «Voś, moža, pryjdziecca kali-niebudź padtrymlivać». Ciapier užo i padtrymlivać niama čaho. Arhanizacyju lepš raspuścić jak niespryjalnuju kultury, svabodzie, demakratyi i biełaruskim nacyjanalnym intaresam. Zrazumieła, hetaha nie adbudziecca. Dyj režymu patrebna, kab paździekavacca sa «śviadomych», jakija tam «žužžać», chto lepšy piederast», — rezka vykazvajecca Paźniak.
«Voś heta jakraz toje, što nasadzili tut emisary zachodniaj hnili pad vidam demakratyi», — aburajecca jon.