Stała viadoma, što ciapier adbyvajecca ź MIU i dzie buduć atrymlivać dypłomy vypuskniki hetaj zimy
Trochu ścichajuć žarści vakoł Minskaha inavacyjnaha ŭniviersiteta, jakomu niadaŭna admovili ŭ akredytacyi pa šerahu śpiecyjalnaściaŭ.
Čytajcie: Minadukacyi nazvała sapraŭdnyja pretenzii da MIU i vinavacić rektara Sušu ŭ prafanacyi
Što tam adbyvajecca ciapier?
Jak paviedamili «Našaj Nivie» u Ministerstvie adukacyi, historyja tam dalokaja ad vyrašeńnia, ale pramiežkavaja situacyja takaja:
«Studentaŭ z fakulteta transpartnaj łahistyki, jakija vypuskajucca zimoj, my pieravodzim u BNTU. Jany vykazali takoje žadańni i napisali zajavy. Tam zastalisia, ułasna, tolki dziaržaŭnyja ekzamieny, a času vypraŭlać situacyju niama.
A sam univiersitet, nakolki nam viadoma, płanuje zaniacca paŭtornaj akredytacyjaj. Aproč taho, MIU napisaŭ u Hienprakuraturu skarhu na dziejańni Departamienta kantrolu viedaŭ», — patłumačyli «NN» u Minadukacyi.