Irynu Chalip aštrafavali na 382 rubli
Partyzanski rajonny sud aštrafavaŭ na 382,5 rubla za ŭdzieł u «Schodzie svabodnych ludziej» ułasnaha karespandenta rasijskaj «Novaj haziety» Irynu Chalip, piša Radyjo Svaboda.
Pavodle pratakoła, jana brała ŭdzieł u niesankcyjanavanym pikiecie 15 listapada. Akcyja prachodziła ŭ ramkach pieradvybarčaj kampanii ŭ Pałatu pradstaŭnikoŭ.
Amapaviec Dźmitry Dzianisaŭ, jaki śviedčyŭ suprać Iryny Chalip, paćvierdziŭ, što pikietoŭcy vykazvalisia pra vybary. Pry hetym milicyjant miarkuje, što na padobny pikiet musiła padavacca zajaŭka, a, pavodle jahonych źviestkach, dazvołu haradskija ŭłady nie davali.
«Tam uvohule masavyja mierapryjemstvy zabaronienyja», — skazaŭ śviedka.
Druhi śjedka, amapaviec Maksim Konik, skazaŭ, što Iryna Chalip pramaŭlała na pikiecie, vykrykvała łozunh «Žyvie Biełaruś!» i razdavała intervju žurnalistam.
Iryna Chalip spytałasia ŭ śviedki, ci jon suprać, kab Biełaruś žyła? Milicyjat skazaŭ, što jon nie suprać «Žyvie Biełaruś!», a tolki śviedčyć, što hety łozunh Iryna Chalip pramaŭlała niekalki razoŭ.
Iryna Chalip skazała, što nie bačyć sensu abskardžvać pastanovu.
«Ciapier, kali ščyra, ja zasiarodžanaja nie na svaim štrafie, a na tym, što Jaŭhien Afnahiel i Maks Viniarski siadzić u izalatary na Akreścina, dzie musiać sustreć Novy hod. Voś pra ich ja dumaju najpierš», — patłumačyła Chalip.