MARH padrychtavaŭ pastanovu pra abmiežavańnie prodažu žavalnych sumiesiaŭ ź nikacinam
Ministerstva antymanapolnaha rehulavańnia i handlu (MARH) padrychtavała prajekt pastanovy ŭrada, skiravany na ŭviadzieńnie asobnych abmiežavańniaŭ i zabaron pry handli nietytuniovymi nikacinaŭtrymalnymi vyrabami (h.zv. žavalnyja sumiesi), u pryvatnaści ich prodažu:
— niepaŭnaletnim asobam va ŭzroście da 18 hadoŭ;
— mietadami adkrytaj vykładki i samaabsłuhoŭvańnia;
— u formie raznosnaha handlu, na rynkach, z vykarystańniem internetu dy inš.
Abarot takich vyrabaŭ pakul zakanadaŭstvam nie rehulujecca.
Razam z tym hetyja vyraby vielmi papularnyja, u tym liku siarod moładzi, i siehmient rynku nikacinaŭtrymalnych vyrabaŭ, jakija pradstaŭleny na biełaruskim rynku jak rasijskimi, tak i zamiežnymi vytvorcami, pastajanna raście. A asobnyja vytvorcy vyznačajuć na upakoŭcy abo ŭ rekłamie svaje vyraby jak śnius, što źjaŭlajecca uviadzieńniem spažyŭca ŭ zman.