Dym ad lasnych pažaraŭ u Aŭstralii dajšoŭ da Čyli i Arhienciny

Dym ad lasnych pažaraŭ u Aŭstralii, jakija achapili krainu ź listapada minułaha hoda, dasiahnuŭ Čyli i Arhienciny, paviedamiła čylijskaja mieteasłužba MeteoChile ŭ Twitter, piša RBK.

En la imagen (RGB Color Verdadero del GOES-16) se aprecia el humo (color café tenue) proveniente de los incendios forestales de Australia. El humo ha sido transportado por el flujo de aire hasta Chile y Argentina #humo #incendiosforestales #AustralianBushfire pic.twitter.com/hutnrX6hWP

— MeteoChile (@meteochile_dmc) 6 janvaria 2020 h.

Na prymacavanych spadarožnikavych kadrach dym bačny nad paŭdniovaj i centralnaj častkami Čyli. Jak paviedamili ŭ mietearałahičnym upraŭleńni krainy, žychary nie adčuvajuć pachu, bo dym znachodzicca na vialikaj vyšyni, pieradaje telekanał T13 Móvil.

Nacyjanalnaja mietearałahičnaja słužba Arhienciny paćvierdziła infarmacyju pra pastupleńnie dymu.

Lasnyja pažary bušujuć u Aŭstralii ź listapada 2019 hoda. Da tušeńnia pryciahnuli kala 3 tys. vajskoŭcaŭ. Pavodle apošnich źviestak, u ahni zahinuli 24 čałavieki, a taksama prynamsi 350 kaał. Na likvidacyju nastupstvaŭ stychijnaha biedstva ŭłady Aŭstralii vydzielać kala $ 1,4 młrd.

Kamientary da artykuła