U Minsku «Falksvahien» źbiŭ pjanaha piešachoda, jaki pierachodziŭ darohu na čyrvonaje
Pavodle infarmacyi telehram-kanała DAI Minska, 23-hadovy kiroŭca aŭtamabila «Falksvahien Poła» ruchaŭsia pa vulicy Pieršamajskaj z boku vulicy Janki Kupały ŭ kirunku vulicy Pulichava. Kala doma № 18 jon ździejśniŭ najezd na mužčynu, jaki pierachodziŭ prajeznuju častku pa rehulavanym piešachodnym pierachodzie na zabaranialny sihnał śviatłafora.
Fota: DAI Minska.
Ź lohkimi paškodžańniami, a taksama prykmietami ałkaholnaha apjanieńnia piešachod dastaŭleny ŭ balnicu. Viadziecca raźbiralnictva.