Znakamitaja rasijskaja aktrysa prapała ŭ Mieksicy
Zorka filmaŭ «Vajenna-palavy raman» i «Mery Popins, da pabačeńnia» Natalla Andrejčanka źnikła ŭ Mieksicy i nie vychodzić na suviaź. Pra heta PR-dyrektar zasłužanaj artystki Rasii Jan Truncaŭ paviedamiŭ u «Ukantakcie», piša lenta.ru
Paviedamleńnie pra źniknieńnie artystki taksama źjaviłasia ŭ akaŭntach, pryśviečanych joj, «Ukantakcie», Instagram i na jaje staroncy ŭ Facebook. Nivodny z hetych akaŭntaŭ aficyjna nie paćvierdžany. U Instagram artystki ŭ papiarednich pastach raspaviadajecca pra jaje padarožžy pa Šviejcaryi. U pieradapošniaj publikacyi, zroblenaj 26 studzienia, śćviardžajecca, što «vandroŭka padyšła da kanca» i artystka źbirajecca dadomu.
«Natalla nie vychodzić na suviaź užo bolš za sutki. U subotu jana była ŭ haściach u siabroŭki Maret u Kankunie, źjechała ŭ 3 hadziny dnia, skazaŭšy pra drennaje samaadčuvańnie i stomlenaść, jaje chiliła ŭ son», — napisaŭ Truncaŭ.