Piaciarych paciarpiełych u šachcie «Biełaruśkalija» pieraviazuć u minskija balnicy
Kansilium śpiecyjalistaŭ pryniaŭ rašeńnie pieravieźci piaciarych rabočych, traŭmavanych u šachcie «Biełaruśkalija», z reanimacyi ŭ Salihorsku ŭ minskija balnicy, paviedamlaje Minzdaroŭja.
«Paśla praviadzieńnia kansiliumu śpiecyjalistaŭ, pryniata rašeńnie dvuch pacyjentaŭ sa złučanaj traŭmaj z reanimacyi pieravieści ŭ BCHMD ŭ Minsk, jašče troch pacyjentaŭ, u jakich dyjahnastavany składanyja pierałomy — u RNPC traŭmatałohii i artapiedyi. Adzin pacyjent zastajecca na lačeńni ŭ Salihorskaj CRB ŭ adździaleńni traŭmatałohii. Jaho stan stabilny, praź niekalki dzion płanujecca pieravod na ambułatornaje lačeńnie», — havorycca ŭ paviedamleńni.
Zdareńnie adbyłosia ŭčora. Padziemnaja mašyna dla pieravozki pasažyraŭ na hłybini 600 mietraŭ sutyknułasia z celikam hornaj vypracoŭki. Rabotniki pradpryjemstva, jakija znachodzilisia ŭ transpartnym srodku, paciarpieli. Vadziciel aŭtamabila ad atrymanych traŭmaŭ pamior u balnicy. Vosiem čałaviek dastavili ŭ balnicy.