Tramp: My pavinny viarnucca da pracy. Inakš kryzis moža zabić bolš ludziej, čym karanavirus
Prezident ZŠA Donald Tramp ličyć, što ekanamičny kryzis moža zabić bolš ludziej, čym karanavirus, i čakaje, što amierykanski biznes adnović pracu da 12 krasavika.
«Pasłuchajcie, vy hublajecie mnostva ludziej z-za hrypu. Ale vy stracicie jašče bolš ludziej, kali pryviedziacie krainu da masavaj recesii abo depresii», — skazaŭ jon u intervju Fox News.
Tramp vykazaŭ zdahadku, što abmiežavańni na pracu pryvatnaha biznesu mohuć być źniatyja da Vialikadnia, heta značyć 12 krasavika.
Tramp padkreśliŭ, što kali situacyja z zakryćciom krainy budzie praciahvacca, to pamre jašče bolš ludziej: «Kraina pavinna viarnucca da pracy».
Jon zaklikaŭ vyjści na pracu, ale prytrymlivacca rekamiendacyj dla baraćby z karanavirusam.