U Biełarusi 86 vypadkaŭ karanavirusa, jašče dvoje pacyjentaŭ pad pytańniem
Minzdaroŭja ŭ svaim telehram-kanale paviedamlaje, što pa stanie na 25 sakavika ŭ Biełarusi zafiksavali 86 vypadkaŭ karanavirusa. Dva dni tamu nazyvałasia ličba 81 čałaviek.
«Na siońnia ŭ Biełarusi praviali kala 23 tys. testaŭ na COVID-19. Užo vypisanyja abo rychtujucca da vypiski 29 pacyjentaŭ. Raniej u ich test na COVID-19 daŭ stanoŭčy vynik. U pracesie nazirańnia i lačeńnia atrymanyja admoŭnyja vyniki testaŭ. Praciahvajecca miedycynski kantrol i lačeńnie 57 pacyjentaŭ», — havorycca ŭ paviedamleńni Minzdaroŭja.
Jašče pa dvuch pacyjentach śpiecyjalisty pravodziać dadatkovuju pravierku ŭ suviazi ź nieadnaznačnaściu atrymanych vynikaŭ.