«Śmierciu śmierć zvajavaŭ». Pravasłaŭnyja adznačajuć Vialikdzień va ŭmovach pandemii
Fota Nadziei Bužan
Siońnia pravasłaŭny śviet adznačaje Vialikdzień. Tydzień tamu adno z dvuch hałoŭnych carkoŭnych śviataŭ hoda adznačali katoliki i pratestanty.
Śviata prachodzić va ŭmovach pandemii karanavirusa. Kiraŭnik Biełaruskaj pravasłaŭnaj carkvy i RPC zaklikali nie iści ŭ chram, nie aśviačać ježu.
Dla aśviačeńnia vielikodnaha stała doma dastatkova pračytać nad im vielikodny trapar. Pa-biełarusku heta: «Chrystos uvaskros ź miortvych, śmierciu śmierć zvajavaŭ, i tym, što ŭ mahiłach, žyćcio daravaŭ!». A pa-carkoŭnasłaviansku: «Christós voskriésie iz miértvych, śmiértiju śmierť popráv, i súščim vo hrobiéch Živót darováv».
Ministr achovy zdaroŭja Uładzimir Karanik vykazaŭ nadzieju, što ŭsie praviaduć śviata doma.
Razam z tym Alaksandr Łukašenka zajaviŭ, što ničoha zabaraniać nie budzie i sam pojdzie na Vialikdzień u chram:
«Jašče raz padkreślivaju: my darohu da chrama nikomu nie zakryvajem. Heta majo ćviordaje patrabavańnie. My nikomu ničoha nie zabaraniajem. My heta daviali da kiraŭnictva ŭsich cerkvaŭ, kanfiesij, u tym liku i pravasłaŭnaj carkvy. Chto choča, toj pamolicca, schodzić u chram. Ja budu ŭ carkvie. Heta maja tradycyja. Ja redka byvaju, ale na Kalady i Vialikdzień ja zaŭsiody ŭ carkvie. Zvyčajna ŭ rajony vyjazdžaju, byvaju ŭ hetych maleńkich cerkaŭkach», — skazaŭ Alaksandr Łukašenka.
Bieražycie siabie, zastavajciesia doma. Vy patrebnyja zdarovymi svaim dzieciam, baćkam, rodnym, siabram, nam.
Chrystos uvaskros! Sapraŭdy ŭvaskros!