U Miorskim rajonie ad pnieŭmanii pamior 27-hadovy chłopiec. Test admoŭny
U ahraharadku Padjelcy Miorskaha rajona ŭ noč na 2 maja pamior 27-hadovy Alaksandr Š. Aficyjnaj pryčynaj stała dvuchbakovaja pnieŭmanija.
«Test na karanavirus brali, admoŭny. Bolš sami ničoha nie viedajem», — razhublena raskazała «Našaj Nivie» jaho maci. Jana dadała, što bolš u siamji nichto nie chvareje.
Pa słovach susiedziaŭ, Alaksandr praktyčna ŭvieś čas byŭ doma, mieŭ psichanieŭrałahičnaje rasstrojstva.