Jašče adna biełaruskaja partyja admoviłasia ad udziełu ŭ vybarach
Biełaruskaja partyja «Zialonyja» pryniała rašeńnie nie ŭdzielničać u prezidenckaj vybarčaj kampanii 2020 hoda.
«Partyja nie budzie ŭdzielničać u prezidenckaj kampanii 2020 hoda i vyłučać svajho kandydata», — havorycca ŭ zajavie BPZ, apublikavanaj u fejsbuku.
U arhanizacyi adznačyli, što praviadzieńnie vybaraŭ 9 žniŭnia amal na miesiac zrušvaje vybarčuju kampaniju i pieršy jaje etap pa zbory podpisaŭ u padtrymku kandydataŭ budzie prachodzić z 21 maja pa 19 červienia, «kali epidemija COVID-19 u Biełarusi budzie ŭ poŭnym razhary».
«Ułady ŭstrymalisia ad vyrašeńnia hetaj prablemy i nie prapanavali členam kamandy kandydataŭ i vybarščykam biaśpiečny sposab kantaktu padčas kampanii», — padkreślili ŭ partyi.