Kreml abviarhaje, što ŭ Rasii zanižajecca statystyka śmiarotnaści ad karanavirusa
Pres-sakratar prezidenta RF Dźmitryj Piaskoŭ abvierh śćviardžeńni žurnalistaŭ telekanała SNN pra zanižeńnie źviestak ab śmiarotnaści ŭ Rasii ad zachvorvańnia, vyklikanaha karanavirusam, piša tass.ru.
U intervju telekanału, u adkaz na repliku žurnalista ab tym, što pakazanaja statystyka nibyta moža być zanižanaj, pakolki ŭ RF ad hetaha zachvorvańnia pamiraje mienš ludziej, čym u šerahu inšych krain, Piaskoŭ padkreśliŭ: «Nie, ja nie zhodny z hetymi acenkami. Vy nikoli nie zadumvalisia ab mahčymaści taho, što rasiejskaja sistema achovy zdaroŭja źjaŭlajecca bolš efiektyŭnaj, što jana dazvalaje zachavać žyćci bolšaj kolkaści ludziej?»
Kažučy pra kolkaść vyjaŭlenych u Rasii vypadkaŭ zaražeńnia, Piaskoŭ kanstatavaŭ: «U našaj krainie pravodziać jak maha bolš testaŭ na karanavirus. Čym bolš testaŭ vy pravodzicie, tym bolš vyjaŭlajecie [vypadkaŭ zaražeńnia]».
Rasija znachodzicca na trecim miescy ŭ śviecie paśla ZŠA i Brazilii pa kolkaści vyjaŭlenych vypadkaŭ karanavirusa. Pavodle apošnich źviestak, u krainie 485,2 tysiačy infikavanych, pamierła 6142 čałavieki, ź ich 171 — za apošnija sutki.