Łukašenka pra novy Administracyjny kodeks: Nie treba čaplacca da ludziej pa drobiazi
Pravavyja normy, jakija buduć pryniaty ŭ vyniku źmieny administracyjnaha zakanadaŭstva, pavinny dapamahać, a nie pieraškadžać ludziam žyć, zajaviŭ Alaksandr Łukašenka na naradzie pa prajektach kodeksaŭ ab administracyjnaj adkaznaści, piša BiełTA.
Kiraŭnik dziaržavy nahadaŭ, što na praciahu paŭhoda nad prajektami Kodeksa ab administracyjnych pravaparušeńniach i Pracesualna-vykanaŭčaha kodeksa ab administracyjnych pravaparušeńniach pracavała mižviedamasnaja ekśpiertnaja kamisija pad kiraŭnictvam namieśnika kiraŭnika Administracyi prezidenta Volhi Čuprys.
Alaksandr Łukašenka padkreśliŭ, što śledam za kodeksami nieabchodna pierahledzieć viedamasnyja instrukcyi i inšyja akty padzakonnaha ŭzroŭniu, prybraŭšy ź ich lišnija biurakratyčnyja patrabavańni. «Zabarony i abmiežavańni pavinny zastacca tolki tam, dzie jany abjektyŭna nieabchodnyja: kali jość ryzyka pryčynieńnia škody žyćciu i zdaroŭju hramadzian, uźniknieńnia nadzvyčajnych situacyj. Nie treba čaplacca da ludziej pa drobiazi», — zapatrabavaŭ jon.