Karanavirus prysutničaŭ u ściokavych vodach Italii jašče ŭ śniežni
U Italii karanavirus, mahčyma, pačaŭ raspaŭsiudžvacca našmat raniej, čym ličyłasia da hetaha, paviedamlaje BBC.
Navukoŭcy z Nacyjanalnaha instytuta achovy zdaroŭja Italii vyjavili ślady karanavirusa ŭ ściokavych vodach Miłana i Turyna. Proby vady byli ŭziatyja 18 śniežnia 2019 hoda.
Kitaj aficyjna paćvierdziŭ pieršyja vypadki zaražeńnia karanavirusam u kancy śniežnia 2019 hoda. Pieršy infikavany ŭ Italii byŭ špitalizavany ŭ siaredzinie lutaha.
Proby, uziatyja ŭ kastryčniku i listapadzie 2019 hoda, nie pakazali najaŭnaść karanavirusa. U ściokavych vodach Bałońni ślady karanavirusa źjavilisia ŭ studzieni.