Palicejski, padazravany ŭ zabojstvie Fłojda, vyjšaŭ pad zakład
Adzin z palicejskich u ZŠA, abvinavačanych u zabojstvie afraamierykanca Džordža Fłojda padčas zatrymańnia, vyzvaleny pad zakład, havorycca ŭ publičnaj bazie źviestak turmy ŭ akruzie Chieniepin, pišuć infarmahienctvy.
Zvolnieny z palicyi Tu Tao vyzvaleny 4 lipienia, śviedčać źviestki z bazy.
Raniej sud vyznačyŭ zakład u 750 tysiač dalaraŭ dla vyzvaleńnia Tao da pracesu.
Jašče dvoje padazravanych palicejskich byli vyzvalenyja pad anałahičny zakład u kancy červienia. Hałoŭny padazravany Derek Šovien pakul zastajecca ŭ turmie, dla jaho zakład vyznačany ŭ pamiery 1,25 miljona dalaraŭ.
Zabojstva Fłojda padčas zatrymańnia palicyjaj vyklikała chvalu maštabnych pratestaŭ i biesparadkaŭ spačatku ŭ ZŠA, a potym i ŭ inšych krainach.