Pres-słužba «Haradziei»: U Sazanoviča dyjahnastavali dvuchbakovuju pnieŭmaniju, ale jon nie na ŠVŁ
FK «Haradzieja»
Pres-słužba «Haradziei» vystupiła sa zvarotam u suviazi ź infarmacyjaj ab uspyšcy karanavirusa ŭ kamandzie.
«U paŭabaroncy Stanisłava Sazanoviča dyjahnastavali dvuchbakovuju pnieŭmaniju, jon nie znachodzicca i nie znachodziŭsia na štučnaj vientylacyi lohkich, prachodzić lačeńnie ŭ balnicy. Na dadzieny momant stan stabilna zdavalniajučy, tempieratury niama.
Paŭabaronca Siarhiej Pušniakoŭ z paćvierdžanym COVID-19 znachodzicca doma na samaizalacyi, zachvorvańnie praciakaje bieź simptomaŭ, stan dobry.
Paŭabaronca Andrej Sarokin z vysokaj tempieraturaj atrymlivaje lačeńnie ŭ chatnich umovach», — paviedamlaje pres-słužba kłuba.
U aŭtorak hulcy, trenierski štab i administracyja «Haradziei» projduć ekspres-test na COVID-19.
Raniej paviedamlałasia, što ŭ troch hulcoŭ «Haradziei» znojdzieny karanavirus, a paŭabaronca Stanisłaŭ Sazanovič znachodzicca na ŠVŁ.