Pamierła nastaŭnica, jakaja adsiedzieła za zhvałtavańnie vučnia, a potym vyjšła za jaho zamuž
Byłaja nastaŭnica ź Sietła, jakaja adsiedzieła ŭ turmie za seksualnuju suviaź sa školnikam, pamierła ad raku va ŭzroście 58 hadoŭ, piša bbc.com.
Historyja Mery Kiej Leturno šakavała ŭvieś śviet.
34-hadovaja školnaja nastaŭnica mieła seksualnuju suviaź sa svaim vučniem, jakomu tady było 12—13 hadoŭ.
Mery Kiej była zamužam, mieła čaćviarych dziaciej, a Vili Fuałaau vučyŭsia ŭ šostym kłasie. Adnak heta nie pieraškodziła — žančyna zaciažarała ad jaho i naradziła dzicia.
U 1997 hodzie jaje prysudzili da źniavoleńnia za zhvałtavańnie niepaŭnaletniaha.
Praz šeść miesiacaŭ Mery Kej daterminova vyzvalili, ale jana praciahvała sustrakacca sa svaim paluboŭnikam-padletkam. Za heta jaje znoŭ pasadzili ŭ turmu, na hety raz na siem hadoŭ.
U źniavoleńni byłaja nastaŭnica naradziła druhoha dzicia ad svajho vučnia.
Abiedźvie ich dački spačatku vychoŭvała siamja baćki — Vili Fuałaau.
U 2005 hodzie Mery Kiej Leturno vyjšła z turmy, i zakachanyja pažanilisia. Ale paśla 12 hadoŭ šlubu razyšlisia.
Advakat spadaryni Leturno paviedamiŭ amierykanskim ŚMI, što jana pamierła doma. Pobač byli jaje dzieci, a taksama były vučań i muž Vili Fuałaau. Apošnija šeść miesiacaŭ žančyna chvareła.
Mery Kiej Leturno naradziłasia ŭ siamji kansiervatyŭnaha kanhresmiena-respublikanca Džona H. Šmitca. Jaje vychoŭvali ŭ katalickich tradycyjach. Adnak palityčnaja karjera jaje baćki skončyłasia skandałam, kali vyśvietliłasia, što jon mieŭ dvuch dziaciej pa-za šlubam.
Fota na hałoŭnaj staroncy: Shutterstock.