Kiraŭnik Minabarony Litvy: Na vučeńni ŭ Biełarusi varta reahavać spakojna
Fota Andrius Ufartas
Ministr abarony Litvy Rajmundas Karoblis śćviardžaje, što na vajennyja vučeńni ŭ Biełarusi, jakija prachodziać pobač ź litoŭskaj miažoj, treba reahavać spakojna, jany nie ŭjaŭlajuć pahrozy, piša Delfi.lt.
«Pa sutnaści situacyja takaja, što niama pramoj vajennaj pahrozy, sił, jakija atakujuć, hetaha my dakładna nie nazirajem. A jak my pavinny na heta reahavać? Dumaju, što spakojna, bo dziejańni pa eskałacyi situacyi ź biełaruskaha boku nakiravanyja ŭnutr krainy ŭ metach prapahandy. Mabyć, jany tolki i čakajuć našaha adkazu», — zajaviŭ ministr u čaćvier u efiry radyjostancyi Ziniu radijas.
«Niama takich pahroz, na jakija treba było b niejak asabliva reahavać u vajennym sensie», — dadaŭ jon.