Kiraŭnica fiederacyi šachmat: Toj fakt, što vybar ludziej 9 žniŭnia nie byŭ pryznany, staŭ dla mianie punktam niezvarotu
mst.by
Kiraŭnica Biełaruskaj fiederacyi šachmat, vice-prezident FIDE Anastasija Sarokina vykazała mierkavańnie ab padziejach u Biełarusi, piša Tribuna.com.
«Ja nie mahu bolš rabić vyhlad, što ničoha nie adbyvajecca. Ja doŭhi čas padtrymlivała ŭładu, bo bačyła, što mnohaje zroblena dla raźvićcia sportu. Usio było spakojna i cicha. Ale toj fakt, što vybar ludziej nie byŭ pryznany, staŭ dla mianie punktam niezvarotu», — skazała Sarokina.
Raniej Sarokina padpisała list spartyŭnaj hramadskaści, jakaja vystupiła z patrabavańniem pravieści paŭtornyja vybary prezidenta Biełarusi i spynić hvałt z boku siłavikoŭ u dačynieńni da žycharoŭ Biełarusi.