U Minsku adbyŭsia napad na abmieńnik. Viadziecca vyšuk złačyncy
Zdareńnie adbyłosia ŭ čaćvier, 24 vieraśnia, u 11:20, paviedamlaje SK u svaim telehram-kanale.
Da pamiaškańnia adnaho z punktaŭ abmienu valut u Frunzienskim rajonie padyšoŭ nieviadomy. Dačakaŭšysia, kali kasir vyjdzie z punkta na pierapynak, jon padyšoŭ da jaje i pahražajučy pradmietam, padobnym da vybuchovaha prystasavańnia, zapatrabavaŭ pieradać hrošy.
Zabiehšy nazad u pamiaškańnie, rabotnica banka nacisnuła na tryvožnuju knopku. Paśla čaho mužčyna ŭciok ź miesca zdareńnia.
Raspačali kryminalnuju spravu pa č. 3 art. 207 (Razboj) Kryminalnaha kodeksa. Śledčymi sumiesna z supracoŭnikami milicyi pravodziacca śledčyja dziejańni i apieratyŭna-vyšukovyja mierapryjemstvy, nakiravanyja na vyśviatleńnie asoby mužčyny.
Kali vy viedajecie niešta pra mužčynu na fota, SK prosić paviedamić va USK pa Minsku praz telefon 8 (017) 389 55 55.