«Nijakich represij niama». Što adbyvajecca ŭ himnazii №50, dzie nastaŭniki zapisali zvarot da naroda
Nastaŭniki himnazii zapisali videazvarot, u jakim zapatrabavali spynieńnia hvałtu, vyzvaleńnia palitźniavolenych, adnaŭleńnia na pracy zvolnienych z palityčnych matyvaŭ vykładčykaŭ i adličanych studentaŭ na vučobie. «Radyjo Svaboda» spytała ŭ dyrektarki himnazii pra nastupstvy.
U minskaj himnazii №50 abvierhli źviestki z čataŭ pra toje, što dyrektarku himnazii zvalniajuć, a nastaŭnikaŭ vyklikajuć u Ministerstva adukacyi za ŭdzieł u videazvarocie.
Dyrektarka himnazii Eleanora Kitunovič skazała, što nie źbirajecca davać nijakich kamientaroŭ.
«Ale mahu skazać, što nijakich represij suprać nastaŭnikaŭ, kalektyvu i mianie asabista niama», — skazała jana.
Vypuskniki himnazii apublikavali adkryty list u padtrymku nastaŭnikaŭ himnazii №50.
«My, vypuskniki himnazii №50, vykazvajemsia suprać hvałtu, pravavoha defołtu i abmiežavańnia bazavych čałaviečych pravoŭ i svabodaŭ, tym samym dałučajučysia da skazanaha vami, — havorycca ŭ liście. — My hanarymsia tym, što hetaha patrabujuć našy nastaŭniki».