U Breście za sarvany dziaržaŭny ściah dali hod «chimii»
spring96.org
Sud Leninskaha rajona Bresta 6 listapada vynies prysud pa kryminalnaj spravie Illi Smolskaha, jakoha abvinavacili ŭ źniavazie dziaržaŭnaha ściaha pavodle artykuła 370 Kryminalnaha kodeksa, piša spring96.org.
Dziaržaŭnaja abvinavaŭca Cichanovič patrabavała adzin hod abmiežavańnia voli z nakiravańniem va ŭstanovy adkrytaha typu — maksimalnaje pakarańnie pa hetym artykule.
Siońnia sudździa Hruško pryznaŭ Illu Smolskaha vinavatym i pryznačyŭ pakarańnie ŭ vyhladzie 1 hoda abmiežavańnia voli z nakiravańniem va ŭstanovu adkrytaha typu.
16 vieraśnia kala hadziny nočy chłopiec padyšoŭ da budynka chareahrafičnaj škoły ŭ Breście i, padskočyŭšy, tuzanuŭ dziaržaŭny ściah, pry hetym dziaržała złamałasia i ściah upaŭ na ziamlu. Zatym čałaviek pajšoŭ dalej.
Smolski kazaŭ, što vinu pryznaje całkam. Adnak da hetaha na pytańni ab pryčynach svajho ŭčynku kazaŭ, što zrabiŭ heta «pa duraści» i što «nie chacieŭ pakazać bluźnierskaha staŭleńnia da ściaha».