55-hadovaj haradziency, jakaja ŭkusiła dvuch amapavak, dali dva hady «chatniaj chimii»
U sudzie Leninskaha rajona Hrodna vyniesieny prysud Marynie Palikarpavaj. Sud pryznaŭ jaje vinavataj i pryznačyŭ pakarańnie ŭ vyhladzie dvuch hadoŭ abmiežavańnia voli biez nakiravańnia ŭ papraŭčuju ŭstanovu — chatniaj «chimii». Jaje abvinavacili ŭ hvałcie ŭ dačynieńni da žančyn-amapavak — art. 364 Kryminalnaha kodeksu, paviedamlaje spring96.org.
Sprava datyčyłasia padziej viečara 9 žniŭnia. Tady farmaceŭta Marynu Palikarpavu zatrymali i źbili dźvie pradstaŭnicy AMAP — Darja Bandarčuk i Maryja Mazurkievič.
Ale kryminalnuju spravu pačali mienavita na paciarpiełuju Palikarpavu. Kali Marynu Palikarpavu dušyli fizična, jana čysta instynktyŭna ŭkusiła za ruku adnu z supracoŭnic milicyi.