Tadevuš Kandrusievič viarnuŭsia ŭ Biełaruś
Fota Alaksandry Ščyhlinskaj, catholic.by
Arcybiskup Minska-Mahiloŭski Tadevuš Kandrusievič viarnuŭsia ŭ Biełaruś. Pra heta «Interfaksu-Zachad» paćvierdzili ŭ pres-słužbie Katalickaha kaścioła ŭ našaj krainie.
Tadevuša Kandrusieviča nie puścili ŭ Biełaruś 31 žniŭnia, kali jon viartaŭsia z Polščy. Łukašenka, kamientujučy hetuju situacyju, zajaviŭ, što mitrapalit «jeździŭ u Polšču i atrymlivaŭ kansultacyi, jak razburać krainu».
22 śniežnia ministr zamiežnych spraŭ Biełarusi Uładzimir Makiej zajaviŭ, što Łukašenka daručyŭ znajści vyrašeńnie situacyi. U toj ža dzień pasolstva Vatykana atrymała infarmacyju ab adsutnaści pieraškod dla viartańnia ŭ Biełaruś.
Miarkujecca, što siońnia na Kalady Tadevuš Kandrusievič adpravić dźvie imšy ŭ Katedralnym kaściole na płoščy Svabody: a 19:00 (pa polskaj) i a 21:00 (na biełaruskaj). U imšy-pastercy a 21:00 taksama voźmie ŭdzieł apostalski nuncyj Ante Jozič.
Zaŭtra, 25 śniežnia, Tadevuš Kandrusievič adsłužyć dźvie imšy ŭ Čyrvonym kaściole (11:00 i 13:00).