Za bieł-čyrvona-bieły ściah z «Pahoniaj» na chutary IT-inviestaru Astrynskamu dali 20 bazavych
Sud Iŭjeŭskaha rajona razhledzieŭ spravu IT-inviestara Valeryja Astrynskaha, jakoha zatrymali ŭviečary ŭ subotu za BČB-ściah z «Pahoniaj».
Biznesoŭcu dali štraf u 20 bazavych vieličyń — 580 rubloŭ, piša dev.by.
Fota z fejsbuka Taćciany Bakłanavaj
16 studzienia Valeryja Astrynskaha zatrymali ŭ vioscy Barova ŭ Iŭjeŭskim rajonie. Padstavaj dla hetaha staŭ vyviešany bieł-čyrvona-bieły ściah z «Pahoniaj» na chutary. Jaho abvinavacili ŭ praviadzieńni niesankcyjanavanaha adzinočnaha pikietu. Da suda jon znachodziŭsia ŭ Iŭjeŭskim RAUS.
Valeryj Astrynski — inviestar, biznes-anioł, suzasnavalnik abjadnańnia Angels BAND, uvachodzić u top-200 paśpiachovych i ŭpłyvovych biznesmienaŭ Biełarusi, pavodle vydańnia «Ježiednievnik».