Baskaŭ adkazaŭ na pytańnie, ci budzie zbornaja Biełarusi ŭdzielničać u ČS-2021
Staršynia fiederacyi chakieja Biełarusi Dźmitryj Baskaŭ u pramym efiry rasijskaha «Pieršaha kanała» adkazaŭ na pytańnie, ci budzie zbornaja Biełarusi ŭdzielničać u ČS pa chakiei.
hockey.by
U paniadziełak stała viadoma, što IIHF zabrała čempijanat śvietu pa chakiei ŭ Minska.
— My vielmi pavažajem pracu spartsmienaŭ, umiejem šanavać jaje. Tamu, napeŭna, nie majem maralnaha prava dziejničać, jak našy apanienty, zabirajučy ŭ spartsmienaŭ maru, a ŭ zaŭziataraŭ — lubimuju kamandu. Tym bolš u nas ciapier maładaja zbornaja. Mahčyma, chtości ŭ pieršy raz pajedzie na čempijanat śvietu, — cytuje słovy Baskava Tut.by.