U centralnym ofisie Tut.by pa-raniejšamu prachodzić pieratrus. Apublikavanyja śpisy zatrymanych
U centralnym ofisie Tut.by pa-raniejšamu prachodzić pieratrus. Supracoŭniki, jakija ranicaj pryjšli na pracu, nie vychodziać na suviaź.
U hałoŭnaha redaktara partała Maryny Zołatavaj pieratrus prajšoŭ doma, jaje advieźli ŭ DFR.
Apieratyŭniki prychodzili i da inšych supracoŭnikaŭ kampanii. U niekatorych redaktaraŭ kanfiskavali techniku, ale jany znachodziacca na voli ŭ statusie śviedak.
Pavodle apošniaj infarmacyi zatrymanyja:
- — hienieralny dyrektar Ludmiła Čekina
- — hałoŭny buchhałtar Anžeła Asad
- — namieśnik buchhałtara Maryja Novik
- — namieśnik dyrektara Iryna Rybałka
- — dyrektar pa piersanału Nadzieja Adamovič
- — namieśnik hałoŭnaha redaktara Maksim Hajko
- — žurnalist Alena Taŭkačova
- – inžynier-prahramist Vital Kalinoŭski
- — biznes-analityk Vadzim Trusaŭ
- — načalnik adździeła markietynhu Hanna Zajac
- — načalnik adździeła prodažaŭ Maryna Kušniarevič
- — mieniedžar Andrej Aŭdziejeŭ
Taksama nieviadoma, dzie znachodziacca žurnalisty, jakija jašče ranicaj pryjechali aśviatlać padziei kala ofisa Tut.by. Niama suviazi z Alaksandram Čarnucham (Onliner), Arciomam Majoravym («Biełarusy i rynak») i Alenaj Doŭnar.
U milicyi žurnalistam Onliner.by adkazali, što ni ŭ adnym sa staličnych RUUS ich niama. U DFR i SK infarmacyjaj nie vałodajuć.