Uładalnicu kramy «Admietnaść» buduć sudzić za pikietavańnie
Uładalnica haradzienskaj kramy tavaraŭ z nacyjanalnaj simvolikaj «Admietnaść» Volha Vieramiejenka vyjšła na volu paśla troch dzion, praviedzienych za kratami, paviedamlaje Hrodna.life. Žančynu abvinavacili ŭ pikietavańni. Jaje čakaje sud.
Za troje sutak Volha źmianiła try kamiery. Pieršy dzień jana znachodziłasia ŭ kamiery adna. Zatym — u dvuch roznych kamierach ź ludźmi. Volzie nielha było siadzieć dniom, da adboju prybirali łožak.
3 červienia kramu «Admietnaść» čakała čarada praviarajučych: ideołah, sanstancyja. Kala 17.00 pryjšli amapaŭcy na čale z kamandziram Viktaram Kraŭcevičam, paźniej — supracoŭniki Leninskaha RAUS. Jany praviali ahlad u kramie i zatrymali Volhu Vieramiejenka.