90% novych chvorych. U Maskvie lutuje bolš ahresiŭny indyjski štam karanavirusa
Indyjski štam karanavirusa vyjaŭleny amal u 90% novych chvorych na COVID-19 žycharoŭ Maskvy, paviedamiŭ u intervju mer rasijskaj stalicy Siarhiej Sabianin.
«Apošnija danyja, jakija my atrymali: 89,3% tych, chto zachvareŭ, zachvareli na mutavany karanavirus, tak zvanuju Deltu, heta indyjski štam», — raspavioŭ Sabianin.
Pa słovach mera Maskvy, hety varyjant virusa akazaŭsia bolš ahresiŭnym, čym inšyja štamy, i jon raspaŭsiudžvajecca chutčej. «I samaje niepryjemnaje, što dla taho, kab supraćstajać čałavieku, jaho imunny status, jaho kolkaść antyciełaŭ, jak ciapier voś kažuć, pavinien być amal u dva razy vyšejšy, čym da uchańskaha virusa, heta značyć, pa sutnaści, my pačynajem znoŭku prachodzić hetuju historyju», — zajaviŭ Sabianin.