Pucin daručyŭ u Rasii arhanizavać vakcynacyju pracoŭnych mihrantaŭ
Urad pavinien da 30 červienia zabiaśpiečyć dla zamiežnikaŭ mahčymaść płatnaj vakcynacyi ad karanavirusa. Adpaviednaje daručeńnie daŭ Uładzimir Pucin.
Da 15 lipienia ŭrad taksama pavinny arhanizavać vakcynacyju ad COVID-19 dla pracoŭnych mihrantaŭ, «vyznačyŭšy krynicy finansavańnia adpaviednych mierapryjemstvaŭ», piša RBK.
Pucin daručyŭ uradu prapracavać pytańnie vakcynacyi zamiežnikaŭ, u tym liku pracoŭnych mihrantaŭ, padčas vystupu na Pieciarburhskim ekanamičnym forumie ŭ pačatku červienia.
Jak kazała vice-premjer Taćciana Holikava, u pieršuju čarhu ŭłady abmiarkujuć mahčymaść vakcynacyi tych pracoŭnych mihrantaŭ i zamiežnikaŭ, jakija ŭžo znachodziacca ŭ Rasii.
Pryščaplać płanujuć vakcynaj «Sputnik Łajt».