Rachunki sanatoryja «Biełaruś» u Druskienikach razbłakavanyja
Swedbank razbłakavaŭ rachunki sanatoryja «Biełaruś», jaki znachodzicca ŭ Druskienikach, paśla bolš jak paŭhadavoha pierapynku jon zmoža adnavić dziejnaść, paviedamlaje Delfi.
Fota z fejsbuka
«Rachunki razmarožanyja. My siońnia daviedalisia. Zmožam pačać dziejnaść», — skazaŭ staršynia pracoŭnaj rady sanatoryja Uładzisłaŭ Šarucki.
Mer Druskienikaŭ Ryčardas Malinaŭskas paćvierdziŭ, što byŭ infarmavany ab tym, što rachunki sanatoryja razmarožanyja paśla taho, jak z Upraŭleńnia pa spravach prezidenta Biełarusi syšoŭ Viktar Šejman.
Pavodle jaho słoŭ, rabotniki sanatoryja ŭžo vyklikanyja na pracu, i kali ŭdasca zładžana adnavić dziejnaść, to sanatoryj zmoža znoŭ pačać pracu ŭ subotu.
Rachunki sanatoryja bank Swedbank zamaroziŭ u śniežni minułaha hoda, matyvujučy ŭviedzienymi ES sankcyjami.