Uzbrojenyja siły Łatvii dapamohuć pamiežnikam u achovie ŭschodniaj miažy
Nacyjanalnyja ŭzbrojenyja siły Łatvii ŭzmocniać padtrymku, što akazvajecca Dziaržaŭnaj słužbie pamiežnaj achovy ŭ achovie ŭschodniaj miažy z-za mahčymaha napłyvu nielehalnych mihrantaŭ.
Artys Pabryks, LETA
Pra heta ŭ sieradu paviedamiła pres-słužba Ministerstva abarony krainy.
Kiraŭnik abaronnaha viedamstva Artys Pabryks daručyŭ Nacyjanalnym uzbrojenym siłam zabiaśpiečyć abaronu ŭschodniaj miažy, raźmiaściŭšy dadatkovyja sistemy nazirańnia, vykarystoŭvajučy bieśpiłotnyja latalnyja aparaty, nakiravaŭšy dadatkovy piersanał i pravodziačy rehularnyja vajskovyja vučeńni.
«Ciapier situacyja na miažy Łatvii adnosna spakojnaja, ale my pavinny być hatovyja da mahčymaha pavieličeńnia nielehalnaj mihracyi i źviazanych z hetym pravakacyj. Akramia taho, nielha vyklučać vierahodnaść, što situacyja moža źmianicca padčas sumiesnych vučeńniaŭ ŭschodnich susiedziaŭ «Zachad-2021», — kaža jon.