Łukašenka ŭ sieradu lacić u Tadžykistan
U Dušanbe jon voźmie ŭdzieł u samicie ADKB i pasiadžeńni Savieta kiraŭnikoŭ dziaržaŭ Šanchajskaj arhanizacyi supracoŭnictva (ŠAS). Vizit budzie doŭžycca da 17 vieraśnia.
Jak paviedamlaje Puł pieršaha, pa inicyjatyvie Łukašenki ŭ stalicy Tadžykistana zapłanavanaja sustreča lidaraŭ ŠAS i ADKB, na jakoj budzie abmierkavanaja situacyja ŭ Afhanistanie i miery pa biaśpiecy ŭ rehijonie.
Nahadajem, što ŭ ADKB uvachodziać Biełaruś, Armienija, Rasija, Kazachstan, Kyrhyzstan, Tadžykistan. U ŠAS paŭnapraŭnymi členami źjaŭlajucca Rasija, Kitaj, Indyja, Kazachstan, Kyrhyzstan, Pakistan, Tadžykistan, Uźbiekistan, a ŭ jakaści naziralnikaŭ — Biełaruś, Afhanistan, Iran, Manholija.