U Niamieččynie zatrymali biełarusa, jaki vioz u furhonie 41 nielehała ź Iraka i Siryi
49-hadovy biełarus zatrymany ŭ niamieckaj ziamli Brandenburh. Pavodle infarmacyi miascovaj palicyi, mužčyna nielehalna pieravioz praź miažu bolš za 40 mihrantaŭ.
Hrupu mihrantaŭ — usiaho 41 čałaviek — spynili na darozie niedaloka ad horada Rahaŭ-Mierc.
U palicyju pra hrupu nielehałaŭ paviedamili miascovyja žychary. Ludzi akazalisia hramadzianami Siryi i Iraka, siarod mihrantaŭ była adna žančyna i dvoje dziaciej.
Vyśvietliłasia, što niezadoŭha da hetaha nielehałaŭ pryvioz na nievialikim hruzaviku-furhonie hramadzianin Biełarusi. Jaho zatrymali, a transpartny srodak kanfiskavali.