U centry Minska mohuć źjavicca bulvar 17 Vieraśnia i vulica Ściapana Złobina
Kamisija pa mienavańni i pierajmienavańni praśpiektaŭ, vulic, płoščaŭ i inšych sastaŭnych častak Minska prapanuje prysvoić sastaŭnym častkam Minska nastupnyja najmieńni.
Imiem viadomaha savieckaha piśmieńnika Ściapana Złobina prapanujuć nazvać prajektavanuju vulicu № 4 u miežach vuł. Łyńkova, Piatra Hlebki, prajezda Masiukoŭščyna, a bulvaru ŭ miežach vulic Kirava, Lenina, Uljanaŭskaj, stadyjona «Dynama» prysvoić nazvu bulvar 17 Vieraśnia, paviedamlajuć Minsk-naviny.
Piśmieńnik Ściapan Złobin u 1941 hodzie trapiŭ u niamiecki pałon i apynuŭsia ŭ Minsku, u kancłahiery. Paśla niaŭdałych ŭciokaŭ byŭ etapavany ŭ łahier na terytoryi Hiermanii i vyzvaleny tolki ŭ 1945 hodzie. Jaho aŭtabijahrafičny raman «Źnikłyja bieź viestak» (1962) staŭ značnym unioskam u spravu reabilitacyi byłych savieckich vajennapałonnych.